نوێترین ئاگاداری بۆ بینینی سەرجەم ئاگادارییەكان و وردەكارییەكانیان كلیكی بەشی ئاگادارییەكان لە ماڵپەرەكەمان بكەن ‌


بەدواداچوونى مامەڵەكەت

ژمارەى نوسراوى پارێزگا

پن كۆد

دانیشتوان

دانیشتووانی پارێزگای سلێمانی

 

میستەر ریچ کە ساڵی‌ ١٨٢٠ ھاتۆتە سلێمانی واتا (٢٦) ساڵ پاش دروستکردنی‌ شارەکە , ژمارەی‌ دانیشتوانی‌ بە دە ھەزار کەس خەمڵاندوە دوای‌ ئەوە ئەڵێت: سلێمانی (٢٠٠٠) ماڵی‌ ئیسلام. ١٣٠) ماڵە جولەکە (٩) ماڵی‌ دیانی‌ کلدانی‌، ٥ ماڵی‌ ئەرمەنی‌ تیا بووە , کۆی‌ ماڵەکان ئەکاتە (٢١٤٤). ئەگەر ھەرماڵێک بە پێنج کەس دابنێین ئەکاتە (١٠٧٢٠) کەس.

 

  • بە گوێرەی‌ ساڵنامەی‌ عوسمانی‌ ساڵی‌ ١٩٠٧ ژمارەی‌ دانیشتوان (٨٠٢٧) موسڵمان و (٣٦٠) نا موسڵمان کە ئەکاتە (٨٩٦٣) کەس.

 

  • سەرچاوەکانی‌ تر لە ساڵی‌ ١٩١٣ دا ژمارەی‌ دانیشتوانی‌ ھەموو ناوچەی‌ سلێمانییان بە (٥١٦٠٠) کەس داناوە کە (٤٨٦٠٠) یان موسڵمان و (٩٠٠) یان دیان و (٢١٠٠)یان جوولەکەن. ژمارەی‌ دانیشتوانی‌ شاری سلێمانیان بە (٢٦٠٠٠) کەس داناوە ، لە وانە (٢٤٨٢٥) کەس موسڵمان و (١٠٠٠) کەس جوولەکە و (١٧٥)دیان.

 

  • لە سەردەمی‌ ئینگلیزدا بە گوێرەی‌ ڕۆژنامە پێشکەوتن ساڵی‌ ١٩٢٠ ژمارەی‌ ناوچەکە بە (٦٢٧٢٢)کەس دائەنێ‌. دانیشتوانی‌ شاری‌ سلێمانی بە دە ھەزار کەس داناوە.

 

  • ساڵی‌ ١٩٢٥-١٩٢٦ سلێمانی‌ خۆی‌ بریتی‌ بووە لە ١٣-١٤ ھەزار کەس. دوای‌ ئەوە لە کاتی‌ حوکمەتی‌ عێراقدا و لە ساڵی‌ ١٩٢٧ وە سەرژمێری‌ دەستی‌ پێکرد: ١٩٢٧- ١٩٣٧- ١٩٤٧- ١٩٥٧- ١٩٦٥ - ١٩٧٦-١٩٨٨

 

  • ژمارەی‌ دانیشتوانی‌ شاری‌ سلێمانی‌ لە ساڵی‌ ١٩٤٧ دا بە گوێرەی‌ تۆماری‌ ڕەسمی‌ (٢٣٤٧٥) کەس بووە.

 

  • ساڵی‌ ١٩٥٧ بریتی‌ بووە لە (٤٨٨١٢) کەس.

 

ساڵی‌ ١٩٩٨ شاری‌ سلێمانی‌ بەگوێرەی‌ ساڵنامەی‌ ئەو ساڵە بەم جۆرە بووە :

  • ژمارەی‌ دانیشتوانی‌ شاری‌ سلێمانی‌ خۆی‌ : (٥٤٨،٧٤٧) کەس .
  • ژمارەی‌ دانیشتوانی‌ سنووری‌ پارێزگای‌ سلێمانی‌ : (١،١٢٧،٢٢٦) کەس .

 

  • لە دوایین ئاماری 2016دا  ژمارەی دانیشتوانی ئەم پارێزگایە بە (2،110،000) کەس مەزەندە کراوە.
  • هه‌روه‌ك به‌پێی داتاكانی ئاماری هه‌رێم له‌ ساڵی 2015 دابه‌شبوونی دانیشتوانی پارێزگای سلێمانی به‌گوێره‌ی ئه‌م خشته‌یه‌ی خواره‌وه‌یه‌:

 

 

ئه‌مه‌ش نه‌خشه‌ی دابه‌شبوونی دانیشتوانه‌ به‌پێی قه‌زاكانی پارێزگای سلێمانی:

 

 

<p><img src="../storeImages/1515574291-sulamar.jpg"></p>